Почитувани студенти,

со оглед на состојба со корона вирусот и активните мерки и насоки дадени од Владата на Република Северна Македонија во поглед со справување со пандемијата од COVID-19 и по барање на поголем дел од студентите на МСУ, Ве известуваме дека и априлската испитна сесија ќе се одржи онлајн.

Пријавувањето на испитите ќе се врши онлајн според утврдена постапка и протокол кој како информативна соржина ќе ви биде достапен на нашите информативни електронски гласила.

Распоред за сесијата

• Априлска сесија – додипломски студии – Свети Николе и Битола
• Априлска сесија – последипломски студии – Свети Николе и Битола

Линковите ги добивате на електронската адреса со која сте ја пополниле пријавата или од Вашиот ментор. 

Пријавување на испитите

• Пријавувањето и полагањето на испитите во априлската сесија ќе се одвива електронски.
• Пријавувањето на испитите ќе трае од 6-ти до 9-ти април.
• Полагањата започнуваат од 12-ти април.
• Во оваа сесија е дозволено полагање на испити од парен и непарен семестар.
• Апликацијата за пријавување на испитите ќе биде достапна од 6-ти април.

Услови за тестирање

• камерата и микрофонот да бидат вклучени за време на полагањето, во спротивно истото ќе биде поништено
• пополнетиот тест да се испрати до професорот во рамки на договореното време
• за дополнителни прашања консултирајте се директно со менторите или професорите, а можете да се обратите и на eucenje@msu.edu.mk

Како ќе се спроведе тестирањето? – објаснување чекор по чекор

• Испитот по определен предмет ќе се одржи во времето кое е објавено во распоредот.
• Се вклучувате онлајн во договорениот термин на платформата Zoom. Линковите ќе ги добиете од менторите. Во случај на технички проблеми, контактирајте ја службата за Е-учење.
• Додека сте онлајн професорот го забележува присуството и ги напоменува условите за полагање.
• Професорот ќе ви соопшти дека преку опцијата Chat на платформата Zoom треба да ги доставите вашите е-маил адреси за да можеме да ви го испратиме тестот.
• Ги внесувате е-маил адресите на chat на Zoom.
• Администраторот ви го испраќа тестот на внесената е-маил адреса.
• Имате ограничено време за да го решите тестот (околу 60 минути / зависи од професорот) со вклучени камери и микрофони. Ако некој ја исклучува камерата или микрофонот, тестот за него завршува.
• Откако ќе истече времето имате обврска да го пратите тестот на меилот на професорот, пополнет. Толеранција за доцнење – 5 минути. Ако тестот се прати подоцна нема да се толерира, без разлика на причина. Во тие случаи може повторно да пополнува нов тест некој нареден пат по договор со професорот.
• Доколку тестот бара решавање на задачи или пишување на хартија, професорот може да се договори со студентите наместо во Word, студентите да ги решат задачите на хартија, а да испратат фотографии од решените задачи на професорот, во истиот рок како и другите студенти.
• Професорот (или администраторот во негово име) го потврдува приемот на тестот.
• Професорот може да го промени или прилагоди форматот на тестот.
• Професорот го оценува тестот и кога ќе има резултати ги соопштува на студентите на некое од наредните предавања, на меил, или на Е-учење.