Почитувани студенти,

Пријавувањето на испитите за Октомвриската испитна сесија (казнена) ќе се одвива по електронски пат. Пријавувањето на испитите ќе започе на 05 октомври, а завршува на 10 октомври. Распоредот за испитите ќе биде објавен на платформата за Е-учење најдоцна до 7 октомври.

Полагањето на испитите ќе биде со физичко присуство во просториите на Меѓународен Славјански Универзитет во Свети Николе и Битола. Испитната сесија ќе започне на 12 октомври 2022 година. Студентите ќе полагаат на кампусот на кој се запишани (Свети Николе или Битола). Подетални инструкции за полагањата со физичко присуство можете да добиете од предметните професори.

Целта на оваа сесија е да се овозможи на студентите кои не исполнуваат услов за премин во повисока година да ги дополагаат потребниот број на предмети и освојат потребниот број на ЕКТС.

Максималниот број на испити што можат да се пријават во оваа сесија е 5 предмети. Во оваа сесија сите испити се пријавуваат наеднаш со користење на истата форма.

Цената за полагање на испитот во казнената сесија за сите студенти (вклучувајќи ги и оние кои не исполнуваат услов за премин во повисока година) ќе изнесува 3000 ден. + 50ден. за пријава од предмет – ПРИЈАВИ ТУКА

Цената за полагање на испитот во казнената сесија за студентите кои полагаат диференцијален испит ќе изнесува 6000 ден. + 50ден. за пријава од предмет – ПРИЈАВИ ТУКА

Купувањето на пријавата е конечно. Сите студенти кои имаат неподмирени обврски за тековната студиска година согласно договорот за студирање нема да бидат во можност да го пријават испитот. Доколку не сте сигурни за статусот можете да ја контактирате студентската служба во Свети Николе на телефон +389 32 440 330 и во Битола на телефон +389 47 222 503 за повеќе детали.

Во оваа сесија е дозволено е полагање на испити од парен и непарен семестар.


Упатство за пријавување на испит


Во прилог е упатството за пополнување на електронска пријава за испит. Доколку имате технички прашања во врска со пријавувањето, Ве молиме обратете се во Службата за Е-учење на eucenje@msu.edu.mk или на +389 78 295 567.


Чекор 1


Кликнете на линкот за поднесување на пријава.

Студентите кои направиле трансфер од друг универзитет и треба да полагаат диференцијален испит поднесуваат пријава од 6050 денари.


Чекор 2


Изберете го потребниот број на предмети (од 1 до 5, зависно колку предмети сакате да полагате) и кликнете на копчето Во Кошничка.


Чекор 3


Откако ќе биде додадена пријавата во кошничка кликнете на НАПЛАТА.


Чекор 4


Пополнете ги податоците за предметите, изберете го полето Ги прочитав и се согласувам со условите и правилата и кликнете УПЛАТИ. Откако ќе кликнете на УПЛАТИ ќе бидете пренасочени кон страницата на Халк Банка за безбедно плаќање каде ги внесувате податоците од платежната картичка и по успешно плаќање системот ве пренасочува назад кон страницата за комплетирање на нарачка.

Доколку има некаков проблем со пријавата, нашите служби ќе Ве контактираат.